فراخ روست بتتبيلة مختلفة وسريعه
ده فيديو للوصفة كاملة بالتفصيل👇 الطريقة كاملة مكتوبة تحت برده😘
مقدمة
النهارده ان شاء الله هنعمل مع بعض وصفه فراخ سهله وسريعه جدا وكمان مكوناتها بسيطه اوي بس هتطلع لنا طعم لذيذ جدا وشكلها هيكون على سفرتك متميز كمان بتتحضر في ثواني وبتدوب في الفم يلا بينا نعملها مع بعض
المقادير
بصلة
طماطم
فصين ثوم
حزمه كزبره
كوب زبادى
عصير نص ليمونه
ملح
ملعقة فلفل اسود
ملعقة كارى
ملعقة بهارات فراخ
نص ملعقة شطة
نص ملعقة زنجبيل
نص كوب ماء
فراخ
الطريقة
معايا بصلة وهنضيف عليها طماطم و فصين توم وحزمه كزبره و كوبايه زبادي ونص لمونه ودلوقتى هنضيف البهارات ملح والملح طبعا على حسب الرغبه و معلقه فلفل اسمر و معلقه كاري و معلقه بهارات فراخ و نص معلقه شطه و نص معلقه زنجبيل ونص كوب ماء وكده تتبيلتنا جاهزه هنأخدها دلوقتي نخلطها كويس جدا فى الكبة دلوقتى معايا بولة فيها الفراخ وهننزل عليها التتبيلة وهندلكها بالتتبيلة ونسيبها فى التلاجة من ساعتين ليوم كامل عشان تشرب التتبيلة ودلوقتى هننزل الفراخ بالتتبيلة فى صينية وهنغطيها بورق زبدة وعليها ورق فويل وتقفلى عليها كويس علشان تستوي على البخار بتاع التتبيله وهندخلها الفرن على درجة حرارة متوسطة وبعد ساعة هتكون استوت و هتكون دايبة دلوقتى هنشيل ورق الفويل و ورق الزبدة وهندخلها الفرن تانى عشان الجلد يتحمر ويبقا مقرمش وكده تكون جاهزة للتقديم
وبألف هنا وشفا بتمنى الوصفة تعجبكم 😊
دمتم بخير 🥰😊