رز بلبن بالمانجو
ده فيديو للوصفة كاملة بالتفصيل👇 الطريقة كاملة مكتوبة تحت برده😘
مقدمة
دايما في فصل الصيف بنحب ندور على وصفات لذيذه ومنعشه وكمان سريعه في تحضيرها النهارده ان شاء الله هعمل معكم رز بلبن بالمانجا بطريقه مختلفه
المقادير
3 اكواب ماء
كوب ارز
كيلو ونصف لبن كامل الدسم
نصف كوب سكر
ملعقة كبيرة فانيليا
4 ل 5 ملاعق كبار نشا
2 كوب عصير مانجو
ربع كوب ماء
ملعقة كبيرة نشا
ملعقة كبيرة سكر
الطريقة
فى اناء على النار هنضيف 3 اكواب ماء ونسيبها لحد ماتغلى وهننزل عليهم كوب رز ونسيبها على النار لحد ماتستوى (تنضج) وطبعا كل دقيقتين نقلب الرز عشان ميلزقش و دلوقتى هنضيف كيلو ونص لبن كامل الدسم بالقشطة بتاعته وهنقلبه تقليبه وبعدين هنضيف نصف كوب سكر او حسب السكر المناسب وهنقلب لحد مانتأكد ان السكر كله بقا دايب ودلوقتى هنجيب نصف كوب لبن هنضيف عليه من 4 ل 5 ملاعق كبيرة نشا وهندوبهم فى نصف كوب اللبن وهنضيفهم بالتدريج على الرز بلبن مع التقليب المستمر وهنفضل نقلب الرز بلبن على النار لحد ما قوامه يتقل ودلوقتى نبدأ نوزع الرز بلبن فى كوبايات او بولات ونسيبها تبرد
دلوقتى هنبدأ نجهز بودينج المانجا فى اناء هنضيف كوبين عصير مانجا وهندوب معلقة كبيةر نشا فى ربع كوب ماء ونضيفهم على عصير المانجا وهنضيف ملعقة كبيرة سكر ونقلبهم على البارد الاول وبعدين نأخدهم على النار ونقلب لحد ما قوام البودينج يتقل وكده يكون جاهز هنبدأ نضيفه على الرز بلبن واحدة واحدة عشان مايختلطش بالرز بلبن وندخلهم التلاجة عشان يبرد ويكون جاهز للتقديم
وبألف هنا وشفا بتمنى الوصفة تعجبكم 😊
دمتم بخير 🥰😊