طريقة البسبوسة
ده فيديو للوصفة كاملة بالتفصيل👇 الطريقة كاملة مكتوبة تحت برده😘
المقادير
2 كوب سميد (سيمولينا)
ملعقة كبيرة جوز الهند
نصف ملعقة صغيرة بيكينج بودر
نصف كوب سكر
نصف كوب لبن
نصف كوب سمنة فلاحى
ملعقة كبيرة عسل نحل او سكر جلوكوز
نصف ملعقة صغيرة فانيليا
مقادير السيراب (العسل)
كوب ونصف سكر
كوب وربع مياه
عصير نصف ليمونه
ملعقة صغيرة فانيليا
ملعقة كبيرة عسل نحل او جلوكوز
الطريقة
الاول هنجهز الخليط الجاف فى بولة هنضيف كوبايتيين السميد وهنضيف عليهم معلقة كبيرة جوز الهند ونصف معلقة صغيرة بيكينج بودر وهنقلبهم كويس
دلوقتى هنجهز الخليط السائلة فى اناء على النار هنضيف نص كوباية سكر ونص كوباية لبن ونص كوباية سمنة فلاحى ومعلقة كبيرة عسل نحل او جلوكوز ونقلبهم على النار لحد مايندمجوا وبعد كظه هنضيف نص معلقة صغيرة فانيليا ونقلبهم
دلوقتى هنضيف الخليط السائلة على الخليط الجاف وهنقلبهم كويس لحد مايندمجوا كويس دلوقتى هنجيب صينية وهندهنها سمنة وهننول خليط البسبوسة الى حضرناه ونفرده ونساويه وندخله فى الفرن على درجة 200
وعقبال ما البسبوسة تجهز هنحضر العسل او السيراب فى حلة (اناء) هنضيف كوباية ونص سكر وكوباية وربع مياه وعصير نص ليمونة ومعلقة فانيليا ومعلقة كبيرة عسل نحل او جلوكوز ونقلبهم على البارد وبعد كده هنحطهم على نار متوسطة وهنسيبهم يغلو 10 دقايق
دلوقتى البسبوسة جاهزة وسخنة والعسل كمان جاهز وسخن هننزل بالعسل السخن على البسبوسة والسر فى طراوة البسبوسة اننا هنغطيها ونسيبها تشرب العسل
وكدا تكون جاهزة للتقديم
وبألف هنا وشفا بتمنى الوصفة تعجبكم 😊
دمتم بخير 🥰😊