كبد وكلاوى
ده فيديو للوصفة كاملة بالتفصيل👇 الطريقة كاملة مكتوبة تحت برده😘
المقادير
2 ملعقة كبيرة ثوم مفروم
ملح (حسب الرغبة)
ملعقة صغيرة شطة
ملعقة صغيرة كمون
ملعقة صغيرة كزبرة
ملعقة كبيرة خل
عصير ليمونة
ملعقة كبيرة مياه
ربع كيلو كبده
ملعقة كبيرة طحينة
زيت
كلاوى
كوب مياه
الطريقة
اول حاجة هنجهز التتبيلة فى بولة هنضيف الثوم وملح وشطة وكمون وكزبرة وخل وعصير الليمون ومعلقة كبيرة مياه ونقلبهم جيدا ليندمجوا
دلوقتى هنضيف الكبدة فى بولة وهنضيف عليها الطحينة ونقلبهم الخطوة دى مهمة عشان الكبدة متبقاش زفرة ونسيبها
دلوقتى هنبدأ نعمل الكلاوى طبعا الكلاوى متقطعة ومغسولة كويس جدا هنجيب طاسة ونضعها على نار عاليا وهنضيف زيت وننزل بنص التتبيلة الى جهزناها ونقلب تدينا ريحة للزيت وننزل بالكلاوى عليها ونفضل نقلب لحد ما الكلاوى كلها تأخد لون وبعد كده هننزل عليها كوباية مياه ونغطيها ونسيبها تستوى عشان الكلاوى بتأخذ وقت عن الكبدة
دلوقتى فى طاسة تانية على نار عاليا هنضيف زيت وننزل بباقى التتبيلة ونقلب تقليبه بسيطة وننزل الكبدة عليها ونقلب لحد ما الكبدة تستوى (تنضج) خالص
دلوقتى الكلاوى خلاص استوت والكبدة كمان استوت (نضجت) هنبدأ ننزل الكبدة على الكلاوى ونقلبهم ونسيبهم يأخدوا غلوة على النار عشان يأخدوا من طعم بعض وبس مده تكون جاهزة على التقديم
وبألف هنا وشفا بتمنى الوصفة تعجبكم 😊
دمتم بخير 🥰😊