اسكرامبل ايج
ده فيديو للوصفة كاملة بالتفصيل👇 الطريقة كاملة مكتوبة تحت برده😘
مقدمة
الاسكرامبل ايج او البيض المخفوق فطار سريع ولذيذ ومختلف عن الفطار التقليدي اللي احنا بنعمله كل يوم
المقادير
3 بيضات
ثلث كوب لبن
ملعقة صغيرة ملح
2 ملعقة كبيرة زبدة
توست بالردة
الطريقة
معانا بولة هنكسر فيها 3 بيضات و هنضيف ثلث كول لبن وملعقة صغيرة ملح ونخلطهم كويس
ودلوقتى معانا طاسة على نار متوسطة هنضيف فيها معلقتين الزبدة واول ما يدوبو ننزل عليهم خليط البيض
فى طريقة البيض دى مش بنقلب البيض لا بنستنى لما اطراف البيض فى الطاسة يستوى شوية نقلبه وندخله جوه والبيض الى جوه لسه ني نطلعه بره لحد ما كل الخليط معانا يستوى كويس ونشيله من على النار
ودلوقتى هندهن التوست بالزبدة ونحمصه فى طاسة على النار على الجانبين
وبس كده نبدأ نوزع البيض على التوست وكده يكون جاهز للتقديم
وبألف هنا وشفا بتمنى الوصفة تعجبكم 😊
دمتم بخير 🥰😊