مربى البلح الاسود
ده فيديو للوصفة كاملة بالتفصيل👇 الطريقة كاملة مكتوبة تحت برده😘
مقدمة
فى موضوع النهاردة هعمل معاكم مربى البلح الاسود وهقولكم على شويه تكات تخلي كل اللي يدوقها يحس ان مربى البلح دي مختلفه عن اي مربى داقها قبل كده تعالوا نعملها مع بعض
المقادير
كيلو بلح اسود
نصف كيلو سكر
نصف ملعقة صغيرة قرفة
ربع ملعقة قرنفل مطحون
الطريقة
فى وصفة النهاردة هنحتاج كيلو بلح اسود هنغسله كويس ونبدأ نشيل القشره ونواة البلح ونقسم البلح نصين او ممكن تقسميها قطع حسب الحجم المناسب لزوقك وههنزلهم فى حلة وهنضيف نصف كيلو سكر و نصف ملعقة صغيرة قرفة وربع ملعقة قرنفل مطحون وبس كده مش هنضيف اى حاجة تانية وهنبدأ نقلبهم عشان السكر يندمج مع البلح ويبدأ يدوب وهنأخد الحلة على نار متوسطة وكل دقيقتين هنقلب المربى عشان متلزقش وكمان عشان السكر كله يدوب وبعد 10 دقايق هتكون عقدت معاكى
وعشان تعرفى عقدت ولا لا تأخدى نقطة من المرة وتنزليها فى طبق وتميلى الطبق لو قوامها سايل يبقا لسه معقدتش لو سميكة شوية يبقا كده عقدت
وكده تكون المربى جاهزة معانا وهنبدأ ننزلها فى علبة او برطمان وندخلها التلاجة وكده تكون جاهزة للتقديم
وبألف هنا وشفا بتمنى الوصفة تعجبكم 😊
دمتم بخير 🥰😊