فراخ مشوية بتتبلية التوم
.jpg)
ده فيديو للوصفة كاملة بالتفصيل👇 الطريقة كاملة مكتوبة تحت برده😘
مقدمة
النهارده ان شاء الله هعمل معك طريقه فراخ للعزومات بتتجهز في خطوه واحده بس طعمها لذيذ ومختلفه والبهارات بتاعتها مميزه بتكون طريه ودايبه من جوه ومقرمشه من بره و بتتحضر في ثوانى ما بتاخدش معنا وقت خالص بتجهزيها في دقيقه واحدة بس
المقادير
فرخه
كوب ماء
ملح
نصف ملعقة صغيرة فلفل اسود
نصف ملعقة صغيرة زعتر
نصف ملعقة صغيرة بهارات فراخ
نصف ملعقة صغيرة بهار مخصوص
ملعقة صغيرة بابريكا
نصف ملعقة صغيرة شطة
نصف ملعقة صغيرة زنجبيل
رشة بودرة حبهان
نصف ملعقة صغيرة قرفة
ورق لورا
2 فص ثوم
بصل
الطريقة
فى بولة هنضيف كوب ماء وهنضيف البهارات ملح حسب الرغبة و نصف ملعقة بهار مخصوص ونصف ملعقة بهارات لحمه و نصف ملعقة زعتر ونصف ملعقة فلفل اسود و ملعقة بابريكا ونصف ملعقة شطة ونصف ملعقة زنجبيل رشة بودرة حبهان و نصف ملعقة قرفة و ورق لورا و فصين ثوم مفرومين وهنقلب التتبيلة كويس جدا لحد ما يندمجوا والملح يدوب
ودلوقتى هنغسل الفراخ وهننقعها فى مياه وخل وليمون ربع ساعة ونعسلها كويس جدا وهنبدأ ننزل عليها التتبيلة الى حضرناها و نحاول نوصل التتبلة لكل اجزاء الفرخه ونسيبها فى التتبيلة اقل حاجة ساعتين فأكتر
وبعد ساعتين هننزل الفراخ فى برام فخار وهنضيف التتبيلة عشان دى الى هتستوى فيها الفراخ وهنغطيها كويس جدا عشان تستوى وتكون دايبة معانا وهندخلها الفرن على درجة حرارة عالية
وبعد ماتستوى هنشيل الغطا وندخلها الفرن عشان وشها يتحمر ويكون مقرمش وكده تكون الوصفة جاهزة للتقديم
وبألف هنا وشفا بتمنى الوصفة تعجبكم 😊
دمتم بخير 🥰😊