باذنجان بالخل والتوم
.png)
ده فيديو للوصفة كاملة بالتفصيل👇 الطريقة كاملة مكتوبة تحت برده😘
مقدمة
وصفتنا النهارده من الوصفات اللي مابتقولش لا في اي سفره يعني لو حطيتيها كأكله اساسيه بتمشي حالها ولو حطيتيها كمقبلات على اي سفره فهي برض بتخطف الانظار من جنبها بتنفع تتحط جنب اللحمه والفراخ وكمان بتتحط على سفره السي فود حتى لو حطيتيها جنب الفلافل على الفطار فهي برض بتخلي الفطار في حته تانيه ولو اكلتيها جنب سفره قرديحي فهي برض بتكون متميزه جدا
المقادير
باذنجان
زيت
ملعقة كبيرة ثوم مفروم
ملح
نصف ملعقة شطة
نصف ملعقة فلفل اسود
ربع كوب خل
ربع كوب ماء
الطريقة
اول حاجه في وصفتنا هو اختيار الباذنجان لازم تختاري الباذنجان تكون حجمها صغير وياريت تكون نتايه لان الباذنجانه النتايه ما بيكونش فيها بذر كتير و مابتكونش طعمها ممرر و دلوقتى شلنا القمع من فوق وهنبدأ نقشرها كده بطريقه عشوائيه وده شيء راجعلك يعني في ناس مابتحبش تشيل القشره تماما وفي ناس بتحب تشيلها خالص وفى ناس بتعمل القشره خطوط كشكل جمالى وهنبدأ نقطعها بسٌمك 1 سم علشان لما نيجي نقليها تستوي معانا انما لما بتكون تخينه ما بتستويش من القلب من جوه بعد ماتقطعى الكمية كلها هنضيف على حلقات الباذنجان ملعقة كبيرة ملح ودي هتخلي المياه اللي جوه الباذنجان تنزل معانا علشان لما ننزله في طاسه الزيت ما يشربش معانا الزيت وبرضه معلقه الملح دي علشان تخلي الباذنجان ما يسودش معانا لان لما بيسود بيمرر كمان بالطريقه دي بتخلي الباذنجانه طعمها من جوه متحدق ومش هتبقى باسله هنسيبه خمس دقايق ينزل المياه منه ودلوقتى معايا طاسة على النار فيها كمية زيت كتير عشان نقلى الباذنجان وطبعا هتستني لما الزيت يكون سخن وهتبدا تضيفي الباذنجان عشان يتقلي لحد مايوصل للون الدهبى على الجانبين ودلوقتي بعد ما قلينا كميه الباذنجان كلها قللنا كميه الزيت وسبنا شويه صغيره اوي على قد التقليه زي ماشفتوا احنا ضفنا معلقه توم كبيره وملح على حسب الرغبه ونص معلقه فلفل اسمر ونص معلقه شطه وهنقلب كويس جدا لحد ما ياخدوا معانا اللون الذهبي اول ما وصلت معانا للون الذهبي ضفنا ربع كوبايه خل هنقلب تقليبه واول ما يندمجوا معانا هننزل عليهم مياه تكون نفس كميه الخل اللي احنا ضفناها وهنقلب كويس جدا ونسيبهم يتكتكوا على النار واول ما يبدأوا يتكتكوا هيكونوا كده جاهزين ودلوقتى هبدأ اوزع خلطة الخل والتوم على الباذنجان فى طبق او سرفيس وكده يكون جاهز للتقديم
وبألف هنا وشفا بتمنى الوصفة تعجبكم 😊
دمتم بخير 🥰😊