حلى الشوفان والموز
ده فيديو للوصفة كاملة بالتفصيل👇 الطريقة كاملة مكتوبة تحت برده😘
مقدمة
النهارده ان شاء الله هنعمل مع بعض وصفه حلويات من غير سكر من غير دقيق مكوناتها بسيطه جدا ومش هتاخد معنا وقت خالص نعمل مع بعض شوفان جلوتين فري صحي بالموز طريقه سهله وبسيطه
المقادير
60 جرام شوفان
نصف كوب لبن ساخن
2 موز
بيضة
نصف ملعقة صغيرة فانيليا
رشة ملح
2 ملعقة كبيرة كاكاو
نصف ملعقة صغيرة بيكينج بودر
شوكليت شيبس
الطريقة
فى بولة هنضيف 60 جرام شوفان وهننزل عليه نصف كوب لبن ساخن وهنقلبهم ونسيب الشوفان منقوع فى اللبن السخن لحد مانجهز باقى المكونات
فى بولة هنهرس موزتين متوسطين او موزة كبيرة 100 جرام هنهرسها كويس جدا لحد ماتكون ناعمة معانا ودلوقتى هنضيف بيضة ونصف ملعقة فانيليا و رشة ملح وهنقلب كويس حدا لحد مايندمجوا وهنبدأ نضيف معلقتين كبار كاكاو و نصف ملعقة صغيرة بيكينج بودر وهنقلبهم لحد مايندمجوا وبعد كده هنضيف الشوفان واللبن الى كنا محضرينه وهنقلبهم لحد مايتكون معانا خليط متجانس ودلوقتى هننزلهم فى صينية فيها ورقة زبدة وهنبدأ نرش شوكلت شيبس على الوش وهندخلها الفرن على درجة حرارة 180 لحد ماتستوى معانا وكده تكون جاهزة للتقديم
وبألف هنا وشفا بتمنى الوصفة تعجبكم 😊
دمتم بخير 🥰😊