تحميره اللحم
ده فيديو للوصفة كاملة بالتفصيل👇 الطريقة كاملة مكتوبة تحت برده😘
مقدمة
دايما لما بنروح اي قريه بدويه بيلفت نظرنا ان الريحه والطعم للحمه بتكون مختلفه النهارده ان شاء الله هعمل معكم التحميره البدوي بطريقه سهله وبسيطه تعالوا معايا نشوف اسرارها
المقادير
نصف ملعقة فلفل اسود
ملعقة بابريكا
ملعقة ال7 بهارات
نصف ملعقة فلفل ابيض
نصف ملعقة قرفة
نصف ملعقة شطة
ربع ملعقة حبهان مطحون
نصف ملعقة زنجبيل
نصف ملعقة بصل بودرة
نصف ملعقة توم بودرة
نصف ملعقة قرنفل
3 ورق لورا
ملح
ملعقة بهار مخصوص
ملعقة سمنة بلدى
ملعقة زيت
ملعقة ليه ضانى
نصف كيلو لحمه شاورما
بصل
فلفل اخضر
طماطم مبشورة
الطريقة
اول حاجة هنجهز خلطة البهارات فى بولة هنضيف نصف ملعقة فلفل اسود و ملعقة بابريكا و ملعقة ال7 بهارات و نصف ملعقة فلفل ابيض و نصف ملعقة قرفة و نصف ملعقة شطة و ربع ملعقة حبهان مطحون و نصف ملعقة زنجبيل و نصف ملعقة بصل بودرة و نصف ملعقة توم بودرة و نصف ملعقة قرنفل و 3 ورق لورا وملح حسب الرغبة وهنخلطهم كويس
ودلوقتى فى حلة هنضيف ملعقة سمنة بلدى وملعقة زيت وملعقة ليه ضانى وهنقلب الليه على النار لحد مايدوب جزء من الدهون الى فيها وهننزل عليها اللحمه وهنقلبهم لحد ماتأخد لون وهتلاحظى ان اللحمه هتنزل عصارة منها ودى المياه الى هتستوى فيها ودلوقتى هنضيف البهارات ونقلبهم لحد ما البهارات تندمج كويس ودلوقتى هنغطى الحلة ونسيبها على نار متوسطة وكل دقيقتين هنقلبها علشان كلها تستوى و كمان متلزقش معانا
اول ما اللحمه تستوى والمياه تنشف خالص هنضيف بصل متقطع جوانح (جوليان) وفلفل متقطع وطماطم مبشورة وهنقلبهم لحد ما الخضار يستوى معانا وكده يكون جاهز للتقديم
وبألف هنا وشفا بتمنى الوصفة تعجبكم 😊
دمتم بخير 🥰😊