كفتة داوود باشا بدون دهون
ده فيديو للوصفة كاملة بالتفصيل👇 الطريقة كاملة مكتوبة تحت برده😘
مقدمة
كفته داوود باشا من الاكلات اللذيذه جدا والمتعارف عليها دايما ان هي مقليه في زيوت احنا النهارده حابين نعملها معكم بطريقه صحيه علشان كل الناس اللي بتعمل نظام غذائي تقدر تأكلها وتتبسط بها وكمان يكون طعمها خفيف مش هتحسي باختلاف بينها وبين اللي مقليه في زيوت بالعكس هتحسيها لذيذه وطعمها حلو وخفيف على المعده
المقادير
كيلو الا ربع لحمه مفرومه
2 بصلة مفرومة
حزمة كزبرة خضراء
ملح
ملعقة فلفل اسود
نصف ملعقة شطة
نصف ملعقة بهارات لحم
4 فصوص ثوم
ملح
نصف ملعقة فلفل اسود
نصف ملعقة شطة
نصف لتر عصير طماطم
الطريقة
فى بولة معايا كيلو الا ربع لحمه مفرومة هنضيف عليها بصلتين كبار مفرومين وحزمة كزبرة خضراء وهنضيف البهارات ملح حسب الرغبة و ملعقة فلفل اسود و نصف ملعقة شطة و نصف ملعقة بهارات لحمه وهنقلبهم كويس جدا وهنبدأ نقسمها لكور وهنرصهم فى صينية وهندخلهم الفرن لحد الكفتة ماتستوى وبعد كده هنشيلها فى طبق وفى نفس الصينية هنضيف 4 فصوص ثوم مفرومين وملح حسب الرغبة و نصف ملعقة فلفل اسود ونصف ملعقة شطة هنقلبهم كويس على النار لحد ما يوصل للون الدهبى وهننزل عليه نصف لتر عصير طماطم ونسيبها على نار متوسطة لحد ما يغلى وتتسبك الصلصة هنبدأ ننزل الكفتة فى الصلصة ونسيبها تغلى 5 دقايق وبس كده تكون جاهزة معانا ممكن تتأكل بالعيش او مع رز
وبألف هنا وشفا بتمنى الوصفة تعجبكم 😊
دمتم بخير 🥰😊