اكلير
ده فيديو للوصفة كاملة بالتفصيل👇 الطريقة كاملة مكتوبة تحت برده😘
مقدمة
دايما لما بندخل محل الحلوانى بيشدنا جدا حلويات الاكلير بنحس ان هى لذيذة ومختلفة ومبنكونش عارفين هى بتتعمل ازاى برغم ان هى سهلة جدا ومبتأخدش معانا وقت عشان كده ان شاء الله هنعملها معاكم بأسهل طريقة وبمكونات موجودة عندك فى البيت هتطلعيها بشكل كل الى هيشوفو هيفكرك جايباها من محل حلوانى وهنحشيها كمان مع بعض حشوة حلوة هتكون سهلة جدا من ضمن حشوات كتير احنا هنعملها ان شاء الله بعد كده مع بعض فى موضوعات تانية
المقادير
كوب ماء
نصف كوب زبدة
ملعقة صغيرة سكر
نصف ملعقة صغيرة ملح
كوب دقيق
4 :5 بيضات
2 ملعقة صغيرة فانيليا
كوب ونصف لبن
3 ملعقة كبيرة كاسترد
2 ملعقة كبيرة سكر
شوكولاتة
بندق
الطريقة
فى حلة هنضيف كوب ماء ونصف كوب زبدة وهنشغل النار واول مايبدأ يغلى هنضيف كوب دقيق ونقلب كويس عشان ميحصلش تكتلات ونفضل نقلب لحد مايتكون معانا عجينة متماسكة وهننزلها فى بولة ونسيبها تبرد خالص
بعد ماتبرد هنبدأ نضربها بالمضرب الكهربائى او العجان عشان يختلط بسهولة مع البيض ودلوقتى هنضيف بيضة بيضة بالتدريج وهنضيف معلقتين الفانيليا هتأخد معاكة 4 بيضات كبار او لو البيض حجمه صغير هتأخد 5 بيضات المهم الخليط يكون لين معاكى وهننزل الخليط فى كيس التزيين ونبدأ نشكل الاكلير فى صينية فيها ورقة زبدة وندخلها الفرن على درجة حرارة 170 هيأخد معاكى من 40 ل 50 دقيقة لحد مايستوى ويوصل للون الدهبى
ودلوقتى هنجهز كريمة الحشو فى حلة هنضيف موب ونص لبن و3 ملاعق كبيرة بودرة كاسترد و معلقتين كبار سكر وهنقلبهم على البارد الاول لحد مابودرة الكاسترد والسكر يدوب وبعد كده هنقلبهم على نار متوسطة لحد ماقوامه يبقا كريمى
ودلوقتى هنبدأ ننزل كريمة الحشو فى كيس التزيين ونبدأ نحشى الاكلير
وللتزيين هندوب شوكولاتة فى شوية لبن وبندق مجروش وننزل وش الاكلير ونسيبه لحد ماتبرد والوش يثبت وبس كده الاكلير جتهز للتقديم
وبألف هنا وشفا بتمنى الوصفة تعجبكم 😊
دمتم بخير 🥰😊