رز بلبن سادة
ده فيديو للوصفة كاملة بالتفصيل👇 الطريقة كاملة مكتوبة تحت برده😘
مقدمة
الرز بلبن من الوصفات الى مشهورة جدا فى المحلات الفترة الى فاتت فى ناس اشتكت انها خفيفة وفى ناس قالت انها تقيلة انهاردة هعملها معاكم بطريقة هتعتمديها و مش هتجيبى من المحلات تانى
المقادير
3 اكواب ماء
كوب ارز
كيلو ونصف لبن
نصف كوب سكر
ملعقة كبيرة فانيليا
4 ملاعق كبيرة نشا
الطريقة
فى حلة هنضيف 3 كوبايات مياه وطبعا كمية المياه دى راجعة لنوع الرز الى انتى هتعمليه الرز الى هعمل بيه النهاردة الرز بتاعنا المصرى العادى بعد ما المياه غلت معايا هنضيف كوباية رز مغسولة قلبيهم كل دقيقتان لحد مايستوى معاكى هو مش بيأخد 10دقايق لحد مايستوى و المياه الى احنا ضيفناها كانت يا دوب تسويه ويزيدش مينها فى الرز هنضيف كيلوونص لبن كامل الدسم بالقشطه بتاعته ويفضل ان تغلى اللبن من قبلها بيوم عشان يطلع القشطه بتاعته و دلوقتى هنقلبهم كويس جدا لحد الرز ما يندمج مع اللبن وما يكونش فيه تكتلات خالص هنضيف ليه نص كوبايه سكر وطبعا حلاوه السكر دي راجعلك بس المقدار اللي انا حطاه في السكر هو ده المقدار اللي بيكون طعم المحلات بالظبط هنقلبهم كويس جدا لحد السكر ما يندمج وهنضيف معلقه فانيليا بودر كبيرة او 3 باكيت فانيليا وطبعا مايفضلش ان احنا نحط فانيليا سايله لان هيكون الطعم مختلف تماما دلوقتي هنجيب نص كوبايه لبن هنضيف عليها اربع معالق نشا كبيره وطبعا النشا ده بيختلف على حسب النوع اللي انت بتستخدميه يعني لو بتستخدمي النشا السايب بيكون اربع معالق نشا كبيره كافيين جدا ولو بتستخدمي المعلب ممكن تضيفي معلقه كمان لانه بيكون اخف فى السٌمك هنضيفهم بالتدريج واحنا بنقلب ومش هنوقف تقليب علشان خاطر لو ضفناه مره واحده هيتخن معايا وهيكتل ومش هيبقى حلو انما بالتدريج كده وانت بتقلبي هيغلي معك ويكون السٌمك كريمى تقيل شوية هو كده تمام هنبدأ دلوقتى نوزعه فى العلب او السلاطين وهنسيبه لحد مايبرد وهندخله التلاجة وهو كده جاهز للتقديم
وبألف هنا وشفا بتمنى الوصفة تعجبكم 😊
دمتم بخير 🥰😊